ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, კორონავირუსის ახალი შემთხვევების მატება რეგულაციების დაუცველობას უკავშირდება.
„ეს უკავშირდება რეგულაციების დაუცველობას და მე კიდევ ერთხელ მოვუწოდებ საზოგადოებას – დავინდოთ საკუთარი თავი, დავინდოთ სახელმწიფო და დაგვინდეთ ჩვენ, ექიმები, რამეთუ ძალიან რთულ პირობებში გვიწევს მუშაობა“,- განაცხადა მარინა ენდელაძემ.
შეგახსენებთ, რომ დღეს საქართველოში კორონავირუსის 1,192 ახალი შემთხვევა დაფიქსირდა.
- კორონავირუსის დადასტურებული შემთხვევა – 17477
- მათ შორის გამოჯანმრთელებული – 8060
- მათ შორის გარდაცვლილი – 136
- კარანტინის რეჟიმში – 6300
- სტაციონარში მეთვალყურეობის ქვეშ – 836
- კოვიდ სასტუმროში მყოფი პირები – 1388
- უცხოეთიდან სამკურნალოდ გადმოყვანილი საქართველოს მოქალაქეები – 41
