პარტია „მოქალაქეების“ ლიდერი ალეკო ელისაშვილი „თავისუფალ სივრცეში“ აცხადებს, რომ ოპოზიციური პარტიების გადაწყვეტილება პარლამენტში არშესვლასთან დაკავშირებით, მისი პარტიის პოზიციაზე გავლენას ვერ მოახდენს.
როგორც მან აღნიშნა, ოპოზიციური პარტიები მოლაპარაკების მაგიდაზე დესტრუქციულად იქცეოდნენ.
„დანარჩენი ოპოზიცია შევა თუ არ შევა პარლამენტში, არ გვაინტერესებს, რა ვქნათ, არავიზე ჩამოკიდებულები არა ვართ. ჩვენ ჩვენ გადაწყვეტილებებს არავის ვუთანხმებთ, არც ბიძინა ივანიშვილს, არც გიგა ბოკერიას და არც მიხეილ სააკაშვილის, გადაწყვეტილებებს ჩვენ თვითონ ვიღებთ.
ოპოზიციურ ერთობაში ვიყავით, ვიბრძოდით ბოიკოტის რეჟიმში. მერე ვნახეთ, ბოიკოტის რეჟიმში ვიყავით, ზურგს უკან წავიდნენ და ფული აიღეს. არჩევნების შედეგებს არ ცნობენ და ცესკოს შედეგების მიხედვით დაანგარიშებულ ფულს დაეხარბნენ. მერე ვნახეთ, ვეკითხებოდით, კარგი არ შევდივართ პარლამენტში, მაგრამ გეგმა გვანახეთ, ან „ქართული ოცნება“ როგორ უნდა დავამარცხოთ, ან უკეთესი საქართველო როგორ უნდა მივიღოთ, ვეკითხებოდით, რა ხდება ყოველი ნაბიჯის მერე, გვეუბნებოდნენ რაღაცა მერე იქნება და ასე ვერავის გავყვებით, რადგან არ გვემეტება ეს ქვეყანა არეულობისთვის, ქაოსისთვის, მღელვარებისთვის. იქ დავინახეთ ძალიან არასერიოზული დამოკიდბულება პროცესებისადმი და ვთქვით, რომ ამას ჩვენ ხმამაღლა ვიტყვით“,- განაცხადა ელისაშვილმა.
