ფეხბურთელ გიორგი შაქარაშვილის საქმეზე გამოძიება გრძელდება. ერთ-ერთი გარემოება, რომელსაც სამართალდამცავები იძიებენ შემთხვევის ადგილზე მომხდარი ინციდენტია. რამდენადაც ცნობილია, ადგილი, სადაც გიორგი შაქარაშვილის მეგობარი გური ამირხანაშვილი იმალებოდა დამწვარია. გამოძიება ახლა იმის დადგენას ცდილობს აღნიშნული ადგილი დაწვეს თუ არა განზრახ.
„შემთხვევის ადგილთან დაკავშირებით საგამოძიებო ორგანოს მიერ ჩატარებულია ყველა გადაუდებელი და შემხვედრი საგამოძიებო მოქმედებები, მაგრამ ეს არის გამოძიების საგანი, ცალკე საქმე ხანძართან დაკავშირებით მიმდინარეობს და დაველოდოთ მის შედეგებს”, – განაცხადა შს მინისტრის მოადგილემ, ვლადიმერ ბორცვაძემ.
