კორონავირუსის პრევენციის გამო, დაწესებული შეზღუდვების მოხსნის მოთხოვნით, პარტია „გირჩი-მეტი თავისუფლება“ დღეს აქციას გამართავს.
„გირჩის” ერთ-ერთი ლიდერის, ზურაბ ჯაფარიძის განცხადებით, ხელისუფლება საზოგადოებას ატყუებს, როცა აცხადებს, რომ შეზღუდვები მოიხსნება.
„ადამიანებმა უნდა გაიაზრონ, რომ ამდენი ხნის განმავლობაში ყველაფერს ატყუებდნენ. ტყუილია ისიც, რომ ახლა, ცოტა ხანში გახსნიან, ტყუილია ისიც, რომ ახლა ვაქცინა იქნება სწრაფად და ეშველებათ. კიდევ თვეების განმავლობაში არავის არაფერი ეშველება და დარჩებიან გამომწყვდეულები შიმშილის პირას, როგორც ახლა არიან, თუ არ გამოვლენ და არ გააპროტესტებენ. ერთადერი რაც ამ ხელისუფლებას ესმის, ეს არის ძალაა“, – განაცხადა ზურაბ ჯაფარიძემ.
აქცია მთავრობის ადმინისტრაციასთან 24 იანვარს, 14.00 საათზე გაიმართება. აქციას სხვადასხვა ოპოზიციური პარტიები შეუერთდებიან.
