გაერთიანებული ოპოზიციის წევრის „რესპუბლიკური პარტიიდან“ ირაკლი ჩავლეიშვილის გადაწყვეტილებას, პარტიის დატოვებისა და უმაღლეს საბჭოში შესვლის შესახებ, „ერთიანი ნაციონალური მოძრაობის ერთ-ერთი ლიდერი ელგუჯა ბაგრატიონი გამოეხმაურა.
როგორც ბაგრატიონმა განაცხადა, ირაკლი ჩავლეიშვილი არის ჩვეულებრივი მეთხუთმეტე ქოცი საბჭოთა უმაღლეს საბჭოში და არანაირი მნიშვნელობა არ აქვს, ირაკლი ჩავლეიშვილი მეთხუთმეტე შევიდოდა თუ არა.
მისივე განცხადებით, პარტია, როგორც ოპოზიციური ძალა ყველა რჩება ერთიანი, რჩება თავისი ამომრჩეველის ერთგული და ის გადაწყვეტილება, რაც მიიღო პარტიებმა, არის ძალაში.
„ირაკლი ჩავლეიშვილზე მართლა გულწრფელად ვწუხვარ. მან რამდენიმე დღის წინ, როცა განცხადებები დავწერეთ, ირაკლი ჩავლეიშვილის განცხადება შემიძლია გაჩვენოთ.
მეორე საკითხი, ირაკლი ჩავლეიშვილმა რამდენიმე დღის წინ, როცა შევიკრიბეთ და გამოვაცხადეთ, რომ ვრჩებოდით ამომრჩევლის ერთგული, მისი პასუხიც იყო, პარტიის ერთგული რჩებოდა და ის გადაწყვეტილება, რასაც „რესპუბლილური პარტია“ მიიღებდა, იქნებოდა ძალაში.
ის იყო სუს-ის აგენტი. მასზე არის არაერთი საქმე აღძრული, როცა საკრებულოს თავმჯდომარე იყო.
როგორც ჩანს, იაფფასიანი მეძავივით გაიყიდა და უღალატა ამომრჩეველს.
„რესპუბლიკური პარტიის“ გადაწყვეტილება იყო და რესპუბლიკურმა პარტიამ, როგორც კანდიდატი, დააყენა პროპორციულ სიაში ჩავლეიშვილი. ეს არის რესპუბლიკური პარტიის გადაწყვეტილება და არა ნაციონალური პარტიის.
ძალიან გაუჭირდება ირაკლი ჩავლეიშვილს ამ პატარა ქალაქში ცხოვრება და იქნება ჩვეულებრივი ქოცი, საბჭოთა ერთ-ერთი დეპუტატი.
ოპოზიციური ერთობა ამით არ დაზარალებულა“- განაცხადა ელგუჯა ბაგრატიონმა.
შეგახსენებთ, „ერთიანი ნაციონალური მოძრაობა გაერთიანებული ოპოზიცია ძალა ერთობაშია” არჩევნების შედეგებს გაყალბებულად თვლის და ხელახალი არჩევნების მითხოვნით აჭარის მთავრობასთან 43-ე დღეა აქციებს მართავს.
ოპოზიციონერმა დეპუტატებმა პროტესთის ნიშნად მიღებულ შვიდ მანდატზე უარი განაცხადეს და უმაღლეს საბჭოში არ შევიდნენ. თუმცა გუშინ ბლოკის წევრმა “რესპუბლიკური პარტიიდან” ირაკლი ჩავლეიშვილმა პარტია დატოვა და უმაღლეს საბჭოში შევიდა.
ავტორი: ნაირა ქობულაძე
