მთავარი პრობლემა ის არის, რომ გულწრფელი კომპრომისის მზაობა მე ვერ დავინახე, – ამის შესახებ „მოქალაქეების“ ლიდერმა, ალეკო ელისაშვილმა კრისტიან დანიელსოთან შეხვედრის შემდეგ განაცხადა.
როგორც ელისაშვილმა აღნიშნა, საერთო ჯამში შეთანხმება ისევ არ არის.
„ხუთი საკითხიდან, რაზეც ვმსჯელობდით, სამზე შევთანხმდით – საარჩევნო რეფორმა, მართლმსაჯულება და კომიტეტების თავმჯდომარეების განაწილება, მაგრამ ორ საკითხზე, პოლიტპატიმრებზე და ვადამდელ არჩევნებზე, იყო აზრთა სხვადასხვაობა. მე ჩემ პირად განცდას ვიტყვი, გულწრფელი შეთანხმების და კომპრომისის მზაობა იქ არ იყო. ეგ არის ყველაზე დიდი პრობლემა. ვადამდელი არჩევნების საკითხი არის ჰაერში გამოკიდებული, ოპოზიცია ამბობს კიო და ხელისუფლება არაო. პოლიტპატიმრებზე თითქოს ვთანხმდებით, მაგრამ ვერ შევთანხმდით. მთავარი პრობლემა ის არის, რომ გულწრფელი კომპრომისის მზაობა მე ვერ დავინახე“, – განაცხადა ელისაშვილმა.
კრისტიან დანიელსონის მედიაციით მმართველ გუნდსა და ოპოზიციის შორის მოლაპარაკებების მეორე რაუნდი უშედეგოდ დასრულდა.
