შვედეთის პრემიერ-მინისტრი, სტეფან ლევენი ქვეყანაში კორონავირუსის გავრცელების შესაკავებლად მოქალაქეებს მოუწოდებს გააუქმონ და გადადონ ყველა გეგმა, რომელიც სასიცოცხლო მნიშვნელობის არ არის. ინფორმაციას ადგილობრივი მედია ავრცელებს.
„ყველაფერი, რისი გაკეთებაც გსურთ და რაც არ არის აუცილებელი – გააუქმეთ, გადაიტანეთ, გადადეთ. დრო დაგვჭირდება, ვიდრე ამას გავივლით. მანამდე ეს ახალი ნორმაა მთელი საზოგადოებისთვის, მთელი შვედეთისთვის. ერთ დღეს, როდესაც ეს კრიზისი დასრულდება, ჩვენ ყველას უნდა შეგვეძლოს იმის გახსენება, თუ როგორ დავეხმარეთ ერთმანეთს. გავიხსენებთ, როგორ შევძელით ინფიცირების მაჩვენებლის შემცირება ჩვენს ქვეყანაში, თუმცა მანამდე ჩვენ უნდა ვაჩვენოთ ერთიანობა და პასუხისმგებლობის გრძნობა და ეს უფრო ძლიერია, ვიდრე ვირუსი, რომელიც უნდა დავამარცხოთ. მოდით, ერთად გავაკეთოთ ეს შვედეთისთვის“, – განაცხადა პრემიერ-მინისტრმა სპეციალური მიმართვისას.
შეგახსენებთ, რომ კორონავირუსის გავრცელების მაჩვენებლის ზრდის გამო გასულ კვირას შვედეთის მთავრობამ საზოგადოებრივი შეკრებები შეზღუდა.
ასევე, შვედეთი პანდემიასთან ბრძოლის განსხვავებული მიდგომით გამოირჩება. კერძოდ, კოვიდის პირველი ტალღის დრომ ქვეყანამ კარანტინი არ დააწესა.
