Facebook-ი ჰოლოკოსტის უარყოფის შესახებ კონტენტს წაშლის. როგორც Facebook-ი აცხადებს, მათი ახალი პოლიტიკა კრძალავს ნებისმიერ კონტენტს, რომელიც უარყოფს ან ამახინჯებს ჰოლოკოსტის ისტორიას. ინფორმაციას BBC-ი ავრცელებს.
მარკ ცუკერბერგის თქმით, იგი დიდხანს ფიქრობდა სიტყვის თავისუფლებასა და მსგავსი პოსტების აკრძალვას შორის როგორ დაეჭირა ბალანსი.
ორი წლის წინ ცუკერბერგმა განაცხადა, რომ მსგავსი შინაარსის პოსტები ავტომატურად არ უნდა იშლებოდეს იმის გამო, რომ ვიღაცები შეცდნენ.
„მე ებრაელი ვარ და არის ხალხის ჯგუფი, რომელიც ჰოლოკოსტის არსებობას უარყოფს. მე ამას ღრმად შეურაცხმყოფელად აღვიქვამ. მაგრამ არ მგონია, რომ ჩვენმა პლატფორმამ ის უნდა ჩახსნას, რადგან არის რაღაცები, რაშიც განსხვავებული ადამიანები ცდებიან“, – აცხადებდა ცუკერბერგი.
მას შემდეგ, რაც Facebook-მა პოლიტიკა შეცვალა, ცუკერბერგმა განაცხადა, რომ მისი შეხედულებებიც შეიცვალა:
„ჩემი შეხედულებები შეიცვალა მას შემდეგ, რაც დოკუმენტურად დადასტურდა, რომ მსოფლიოში ანტისემიტიზმმა იმატა“.
