გარდაცვლილი ფეხბურთელის ოჯახმა გამოძიებაში დამოუკიდებელი ექსპერტი ჩართო. გარდაცვლილი გიორგი შაქარაშვილის ბიძა მირიან ნიკოლაძე აცხადებს, რომ პირველადი ექსპერტიზის დასკვნით საქმეში დამატებითი დეტალები არ იკვეთება.
„პირველადი მონახაზი კატეგორიული დასკვნის საშუალებას არ იძლევა. საჭიროა ლაბორატორიული კვლევა. სიცოცხლის დროს მიყენებული დაზიანებები რომ გამოიკვეთოს, ამას სჭირდება მორფოლოგიური და ჰისტოლოგიული კვლევა, ასე კატეგორიულად ვერ იტყვის ექსპერტი. ესწრებოდა თავიდან ბოლომდე, ჩართული იყო სამხარაულის ექსპერტებთან ერთად. როგორც მან თქვა, არ სურს განცხადების გაკეთება, ვინაიდან, შესაძლებელია, არასწორმა ინტერპრეტაციებმა შემდგომში განაპირობოს გამოძების შეცდომაში შეტყვანა, რადგან არაფერი ცალსახად გამოკვეთილი არაა“ – განაცხადა ნიკოლაძემ.
„საბურთალოს“ ახალგაზრდა ფეხბურთელის, გიორგი შაქარაშვილის ცხედარი გუშინ გვიან ღამით, ლევან სამხარაულის სახელობის ექსპერტიზის ბიუროდან სახლში გადაასვენეს.
