ამერიკის შეერთებული შტატების სამხედრო-საზღვაო აკადემიის კიბერუსაფრთხოების ფაკულტეტის წარჩინებული კურსდამთავრებული ზუგდიდელი გენადი შამუგია გახდა.
მას კურსის წარჩინებით დასრულება ამერიკის ვიცე-პრეზიდენტმა კამალა ჰარისმა მიულოცა.
დიპლომების გადაცემის საზეიმო ცერემონიალს აშშ-ის საზღვაო ძალების მდივანი ტომას ჰარკერი, ამერიკაში საქართველოს ელჩი დავით ბაქრაძე და სხვა ოფიციალური პირები ესწრებოდნენ.
დავით ბაქრაძემ გენადი შამუგიას სწავლის დასრულება სოციალურ ქსელში, საჯარო სტატუსითაც მოულოცა:
„ვულოცავ აშშ საზღვაო ძალების აკადემიის წარმატებით დასრულებას გენადი შამუგიას. ყოველწლიურად წარჩინებული ქართველი ახალგაზრდები აშშ მხარდაჭერით სწავლობენ საუკეთესო ამერიკულ სასწავლებლებში და პროფესიონალებად უბრუნდებიან სამშობლოს“, – წერს ბაქრაძე,
შეგახსენებთ, რომ გენადი შამუგიამ აშშ-ს საზღვაო აკადემიაში სწავლის სრული დაფინანსება 2017 წელს მოიპოვა.
ავტორი: თეა შონია
