“გვეყოლება ჩვენი კანდიდატი, არანაირ ალიანსებში და კოალიციებში შესვლას არ ვაპირებთ”,- ამის შესახებ პარტია “საქართველოსთვის” თავმჯდომარემ, გიორგი გახარიამ განაცხადა.
ყოფილი პრემიერ-მინისტრის განცხადებით, მაქსიმალურად გამოიყენებენ რესურს, რათა მათი მერობის კანდიდატი იყოს ღირსეული, რომელიც კონკურენციას გაუწევს ღირსეულ კანდიდატებს.
„თბილისის მერზე ან მერობის კანდიდატზე როცა ვსაუბრობთ, ყველას უნდა გვესმოდეს, რომ ეს არ არის მხოლოდ მუნიციპალური არჩევნები და რეგიონული არჩევნების ჭრილშიც. თბილისის მერის არჩევნებს ძალიან დიდი მნიშვნელობა აქვს. ამიტომ ჩვენ გვეყოლება ჩვენი კანდიდატი, არანაირ ალიანსებში და კოალიციებში ჩვენ შესვლას არ ვაპირებთ. მოგეხსენებათ, ჩვენ ვართ ახალი დაფუძნებული პარტია, ჩვენთვის პარალელურად მიმდინარეობს პარტიული სტრუქტურების შექმნა, ასევე საარჩევნო კამპანიაში მონაწილეობა. ამიტომ მაქსიმალურად, თითქმის ბოლო დღემდე გამოვიყენებთ დროის რესურსს იმისთვის, რომ ჩვენი კანდიდატი იყოს ღირსეული, რომელიც ღირსეულ კონკურენციას გაუწევს ღირსეულ კანდიდატებს“, – განაცხადა გიორგი გახარიამ.
