პრემიერ-მინისტრმა, გიორგი გახარიამ განმარტა, რომ გურიაში მაჟორიტარობის კანდიდატის წარდგენის შემდეგ, რომლესაც მოგვიანებით კორონავირუსი დუდასტურდა, რისკის შემცირების მიზნით ტესტი თავადაც გაიკეთა.
როგორც იგი ამბობს, სხვებისგან განსხვავებით, იგი მოსახლეობასთან შეხვედრის დროს პირბადეს მუდმივად ატარებს.
„სხვებისგან განსხვავებით მე წესებს ვიცავ და როდესაც ჩემს მოქალაქეებტან ვსაუბრობ, პირბადეს ვატარებ ყოველთვის. ამ პასუხისმგებლობას ვგრძნობთ სხვებისგან განსხვავებით და პირბადეს არ ვიხსნით. მიუხედავად იმისა, რომ რისკი იყო მინიმალური, კიდევ ერთხელ გავიტესტეთ“,- განაცხადა გიორგი გახარიამ.
მოგვიანებით გიორგი გახარიამ ჟურნალისტს მიმართა და თქვა, რომ მათი დაცულობის ხარისხი მაღალი იყო.
„კამპანიის პირობებში ჩვენ, ყველას, მათ შორის წილოსანსაც ეკეთა პირბადე. შესაბამისად, ჩვენი დაცულობის ხარისხი იყო უმაღლესი. მაგრამ იმ პასუხიმგებლობის გათვალისწინებით, რაც მაქვს ჩემი თანამშრომლების მიმართ, მე მაინც წავედი და ტესტი გავიკეთე.
თქვენ რა გინდათ ახლა, როდესაც მე პირბადე მიკეთია ყოველთვის, ტესტიც დამატებით გავიკეთე, თვითიზოლაციაში გადავიდე და რა ვქნა, ჩემს მაგივრად ვინ იმუშავებს აქ ? იქნებ იდეა შემომთავაზოთ?“- ამბობს გახარია.
ცნობითვის, ლანჩხუთის მერს, ალეკო სარიშვილს კორონავირუსი დაუდასტურდა.
რამდენიმე დღის წინ გურიის მაჟორიტარობის კანდიდატის წარდგენა იყო ლანჩხუთში და მერმა, პრემიერმინისტრ გიორგი გახარიას და მთავრობის სხვა წარმომადგენლებს უმასპინძლა.
