გურიის პოლიციის დეპარტამენტს ლევან ხარაბაძე უხელმძღვანელებს. მან ამ თანამდებობაზე კახა მურადაშვილი ჩაანაცვლა. მურადაშვილი კი კახეთის სამხარეო სამმართველოს უხელმძღვანელებს.
ლევან ხარაბაძე 2016 წლიდან 2018 წლამდე სხვადასხვა დროს ჯერ შინაგან საქმეთა სამინისტროს დიდუბე-ჩუღურეთის სამმართველოს უფროსის მოადგილედ მუშაობდა, შემდეგ კი შინაგან საქმეთა სამინიტროს თბილისის პოლიციის დეპარტამენტის ვაკე-საბურთალოს სამმართველოს უფროსის მოადგილე იყო.
ხარაბაძე ბოლო წელიწადი და ერთი თვე, სამცხე-ჯავახეთის პოლიციის დეპარტამენტს ხელმძღვანელობდა. ის, 1980 წელს დაიბადა, ჰყავს მეუღლე და ორი შვილი.
ავტორი: ნინე ულუმბელაშვილი
