ისრაელმა დღეს დილით ჰამასის შეიარაღებულ შენაერთებზე საჰაერო იერიში მიიტანა მას შემდეგ, რაც ღაზის სექტორიდან გაშვებულმა ხანძრის გამომწვევმა სპეციალურმა საჰაერო ბურთებმა ისრაელის სამხრეთ მინდვრებში ცეცხლი გააჩინა.
ინფორმაციას ამის შესახებ BBC-ი ავრცელებს.
ისრაელის თავდაცვის ძალების განაცხადებით, მათმა საფრენმა აპარატებმა ქალაქ ხან იუნისსა და ღაზაში დაჯგუფება „ჰამასის“ სამხედრო ობიექტები გაანადგურეს.
ჯერჯერობით უცნობია მოყვა თუ არა მსხვერპლი საჰაერო თანდასხმებს.
ცნობისთვის, ცეცხლის შეწყვეტის შეთანხმების შემდეგ, ისრაელის მხრიდან ეს პირველი საჰაერო იერიშია ღაზის სექტორზე.
