კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენელი ჯეიმს აპატურაი Facebook-ის ოფიციალურ გვერდზე აზერბაიჯან-სომხეთს შორის მიმდინარე დაპირისპირებას გამოეხმაურა.
„ჩვენ ვაკვირდებით სომხეთისა და აზერბაიჯანის საზღვარზე განვითარებულ მოვლენებს, სადაც გამოიყენება მძიმე ტექნიკა, რასაც შედეგად მსხვერპლი მოჰყვა.
ჩვენ ვიმეორებთ მინსკის ჯგუფის თავმჯდომარეების მოწოდებას ყველა მხარის მიმართ, მიიღონ აუცილებელი ზომები შემდგომი ესკალაციის პრევენციისთვის“, – წერს ჯეიმს აპატურაი.
We are following with concern the developments on the bilateral border of Armenia and Azerbaijan, involving the use of…
Posted by James Appathurai Official on სამშაბათი, 14 ივლისი, 2020
ვრცელდება ინფორმაცია, სომხეთის იერიშის შედეგად აზერბაიჯანში გენერალი და სამხედრო პოლკოვნიკი დაიღუპნენ.
მსხვერპლის შესახებ ინფორმაცია სომხურმა მხარემაც გამოაქვეყნა.
აზერბაიჯანი-სომხეთის საზღვარზე სომეხ და აზერბაიჯანელ სამხედროებს შორის დაპირისპირება 12 ივლისს დაიწყო.
ცნობისთვის, ბაქოს და ერევანს წლებია კონფლიქტი აქვთ აზერბაიჯანის საერთაშორისოდ აღიარებული რეგიონის, მთიანი ყარაბაღის გარშემო. სომხეთის მიერ მხარდაჭერილმა სეპარატისტებმა აზერბაიჯანის ეს, ძირითადად სომხებით დასახლებული რეგიონი ადრეული 1990-იანი წლების ომით მოიპოვეს. ომს 30,000-მდე ადამიანი შეეწირა. კონფლიქტის გადაჭრის დიპლომატიურ მცდელობებს მნიშვნელოვანი პროგრესი არ მოჰყოლია.
