გურჯაანის მუნიციპალიტეტის სოფელ ჩუმლაყში გამოვლენილი კორონავირუსით ინფიცირებული პირი ტრაილერის მძღოლია და ის საქართველოში, სომხეთიდან, 29 ივნისს შემოვიდა.
ტრაილერის მძღოლებისათვის, საქართველოს მთავრობის მიერ დადგენილი წესის თანახმად, მას ტესტირება რამდენჯერმე ჩაუტარდა და მხოლოდ, მეოთხედ, PCR მეთოდით ჩატარებულმა ტესტმა, კორონავირუსი დაადასტურა.
დაავადებათა კონტროლის ცენტრის კახეთის განყოფილების ხელმძღვანელის, ნელი ხიზანიშვილის ინფორმაციით, ახალგაზრდა მამაკაცი, სოფელ ჩუმლაყში, ერთ- ერთ სამაცივრე მეურნეობაში ცხოვრობდა და ამ ეტაპზე, მისი 15 კონტაქტია გამოვლენილი.
“ამ ეტაპზე, ინფიცირებული პირის 15- მდე კონტაქტია გამოვლენილი.
ეპიდემიოლოგები, ინფიცირებული პირის კონტაქტების შესწავლას კიდევ აგრძელებენ და დღეს საღამოს ზუსტ რიცხვს დავასახელებთ- განაცხადა ხიზანიშვილმა.
მძღოლთან კონტაქტში მყოფ ყველა პირს, რომელსაც თვითიზოლაციის შესაძლებლობა არ აქვს, კარანტინში გადაიყვანენ.
სატვირთო ავტომობილის მძღოლი, ამ ეტაპზე, უსიმპტომო პაციენტია და მას, თბილისში, ბოჭორიშვილის სახელობის კლინიკაში მკურნალობენ”, – განაცხადა ნელი ხიზანიშვილმა.
ავტორი: ხათუნა გულიაშვილი
ასევე დაგაინტერესებთ:
გურჯაანში ატმის შესაძენად ჩასულ სომხეთის მოქალაქეს კორონავირუსი დაუდასტურდა
