კანადა ბელარუსში ჩატარებულ არჩევნებს არ აღიარებს. ამის შესახებ კანადის საგარეო საქმეთა მინისტრმა, ფრანსუა-ფილიპ შამპანმა განაცხადა. ინფორმაციას miragenews-ი ავრცელებს.
„ჩვენ არ ვაღიარებთ ამ გაყალბებულ არჩევნებს და მოვუწოდებთ ჩატარდეს სამართლიანი და თავისუფალი არჩევნები.
მოვითხოვთ, რომ ძალადობის შესახებ ცნობები ეუთო-ს მიერ დეტალურად იყოს გამოძიებული. მე ვესაუბრე ოპოზიციონერ კანდიდატ სვეტლანა ციხანოვსკაიას და ვუთხარი, რომ კანადა ბელარუსი ხალხის გვერდითაა. ჩვენ ვიმუშავებთ საერთაშორისო პარტნიორებთან, რათა მათი ხმა ყველამ გაიგოს და დემოკრატიისთვის ძირის გამოთხრასა და ძალადობრივ ქმედებებზე პასუხისმგებელი პირები სათანადოდ დაისაჯონ“, – ნათქვამია ფრანსუა-ფილიპ შამპანის მიერ გამოქვეყნებულ განცხადებაში.
შეგახსენებთ, რომ ბელარუსში ლუკაშენკოს გადადგომას და საპრეზიდენტო არჩევნების შედეგების გადახედვას უკვე კვირაზე მეტია ითხოვენ.
