“ლელო“ „ტვ პირველსა“ და ყველა დამოუკიდებელ მედია საშუალებას სრულ მხარდაჭერას უცხადებს, – ამის შესახებ „ლელო საქართველოსთვის“ ერთ-ერთმა ლიდერმა მამუკა ხაზარაძემ განაცხადა.
„გამოიძიეთ დანაშაული და ნუ ებრძვით თავისუფალ მედიას, ის ნაბიჯები, რომელსაც საქართველოს ხელისუფლება დგამს, აზიანებს საქართველოს სახელმწიფოს, ჩვენს გზას ევრო-ატლანტიკური მიმართულებით და საფრთხეს უქმნის ჩვენი ქვეყნის დემოკრატიულ განვითარებას!
„ქართულმა ოცნებამ“ უნდა გაითავისოს, მედია თავისუფალია! ჟურნალისტური საქმიანობა კი ხელშეუხებელი!
ხელისუფლება ცდილობს ჩაახშოს კრიტიკული მედია, ეს დაუშვებელია!
„ლელო“ სრულ მხარდაჭერას უცხადებს ტვ პირველს“ და ყველა დამოუკიდებელ მედია საშუალებას“, – განაცხადა ხაზარაძემ.
