ხელვაჩაურის მუნიციპალიტეტის სოფელ ქვედა ჯოჭოში მაშველებმა მესამე გარდაცვლილის ცხედარი იპოვეს. გარდაცვლილი მდედრობითი სქესისაა.
ცოტა ხნის წინ მაშველებმა მეწყერის მიერ წაღებული ავტომანქანა იპოვეს, რომელშიც ორი ცხედარი იყო.
ამ წუთებში მიმდინარეობს ორი დაკარგულის სამძებრო სამუშაოები, მათ შორის ერთი არასრულწლოვანია. ინფორმაციისთვის, 1 ოქტომბერს მოსულმა უხვმა ნალექმა ქვედა ჯოჭოში საცხოვრებელი სახლი და ავტომანქანა წაიღო.
