„ნაციონალური მოძრაობის“ წევრის, სალომე სამადაშვილს ბრიფინგს ეხმაურება უმრავლესობის ერთ-ერთი ლიდერი, ირაკლი კობახიძე.
„პრაიმტაიმის“ კითხვაზე, რა ინფორმაცია აქვს აშშ-ის საელჩოში დარეგისტრირებულ დოკუმენტზე, სადაც გიორგი რურუას გათავისუფლებაზეა საუბარი, წინააღმდეგ შემთხვევაში კი ორ ქვეყანას შორის სამხედრო პარტნიორობას საფრთხე ემუქრება, კობახიძე პასუხობს:
„მაქვს ინფორმაცია, რომ გიგა ბოკერია და კომიტეტის აპარატის უფროსი, სტაფერი წლებია მეგობრობენ. არ ვიცი რა დგას ამ მეგობრობის უკან. აქედან გამომდინარე, შესაძლოა, პროექტში შეტანილიყო ასეთი წინადადება, თუმცა ეს არის ბოკერიასა და აპარატის უფროსის მეგობრობის შედეგი.
თუმცა, როდესაც პროექტში ხვდება ასეთი წინადადება, ბუნებრივია, ეს ვერაფერს დააკლებს ქვეყანას, სახელმწიფოს და „ქართულ ოცნებას“. თუმცა, აზიანებს ჩვენი საერთაშორისო პარტნიორების რეპუტაციას. ეს არის ერთ-ერთი შედეგი იმ საქმიანობისა, რომელსაც ახორციელებს გიგა ბოკერია კრიმინალური ოპოზიციის ერთ-ერთი ლიდერი“, – განმარტავს კობახიძე.
