„კობახიძეს მართლაც პირდაპირი მნიშვნელობით თმები ყალყზე უდგება ხოლმე, როგორც კი სასამართლოში კლანს ვახსენებ. ეს მისთვის ძალიან მტკივნეული თემაა, რადგან ის არის ღია ლობისტი იმ კლანის, ერთი დამხმარე ბიჭუნა პარლამენტში“,- ამის შესახებ დამოუკიდებელმა დეპუტატმა, ეკა ბესელიამ განაცხადა.
როგროც ბესელია ამბობს, იგი კობახიძის გამონათქვამებს სერიოზულად ვერ აღიქვამს და ძალადობრივ სიტემას ტუ ვინმე მფარველოსბ, ეს ზუტად კობახიძე და მისი გუნდია.
„ჯერ პარლამენტის თავმჯდომარის სავარძლიდან იყო მათი დამხმარე ბიჭუნა, ახლა როგორც პარლამენტის რიგითი წევრი, მაგრამ ალბათ, მათი კლანის საპატიო წევრიც გახდა ამდენი „ამაგის” შემდეგ. ეს კლანი ზუსტად განასახიერებს იმ ძალადობრივ სისტემას და რეჟიმს, როდესაც ამ მოსამართლეეების გარეშე უბრალოდ ვერ მოხდებოდა. იმ პერიოდში, როდესაც წინა რეჟიმის დროს ამ ძალადობრივ სისტემას ეს მოსამართლეები, მათ შორის ყველაზე დიდ პატრონაჟს უწევდნენ, კობახიძე და მის მიერ მოყვანილი პატარა, გამოუცდელი გოგო-ბიჭები, რომლებიც პარლამენტში შემოვიდნენ და ამ კლანის ღია ლობისტები გახდნენ, არცერთ თქვენგანს არ გახსოვთ მათი ამოღებული ხმა
მის გამონათქვამებზე მეცინება და ამას სერიოზულად არ ვუყურებ. თუ ვინმე ხელს აფარებს იმ ძალადობრივ სისტემას და თუ ვინმე ამაგრებს, ეს არის სწორედ კობახიძე და მისი გუნდი. სხვათაშორის, ცოტა ხნის წინ პარლამენტში მისი ფამილარული მიმართვაც ამის დამადასტურებელი იყო. ეს ის კობახიძეა, რომელმაც თქვა, რომ მოსამართლეები, რომლებიც ჯალათების როლში იყვნენ, კარგები გახდნენ, რადგან „ქართულ ოცნებას ემსახურებიან”, – განაცხადა ბესელიამ.
ცნობისთვის, დღეს უმრავლესობის წევრმა, ირაკლი კობახიძემ ეკა ბესელიაზე განაცხადა, რომ იგი დიდი ხანია ქომაგი გახდა იმ ადამიანების, რომელბიც „ნაციონალური მოძრაობის“ წარსულთან არიან დაკავშირებულები.
