პირველი საუნივერსიტეტო კლინიკის დირექტორი, ლევან რატიანი, დიდ ქალაქებში სწავლის დაწყების გადადებას დადებითად აფასებს.
მისი თქმით, რთულია სასწავლო პროცესის გადადება, მაგრამ სწორედ ეს 2 კვირა აჩვენებს, თუ რა მდგომარეობაა ქვეყანაში ეპიდემიოლოგიური კუთხით.
„ვფიქრობ, ეს გადაწყვეტილება სავსებით ადექვატურია. ინფექციის გავრცელება მასიური თავშეყრის ადგილებმა გამოიწვია. აღნიშნულიდან გამომდინარე, სკოლაში, ბაღში, უნივერსიტეტში სასწავლო პროცესის დაწყება გადაიდო.
მესმის რას ნიშნავს სასწავლო პროცესის გადადება, მაგრამ 2 კვირის განმავლობაში გამოჩნდება სტრატეგია, თუ საით მივდივართ. ინფექციის გავრცელების შეჩერების ერთ-ერთი გზა არის სოციალური დისტანცია.
სოციალური დისტანცია გამოიწვევს ინფიცირებულთა რაოდენობის შემცირებას, სწორედ აღნიშნულიდან გამომდინარე დავეთანხმე სწავლის დაწყების გადადებას 1 ოქტომბრამდე.“ – განაცხადა ლევან რატიანმა.
შეგახსენებეთ, რომ დიდ ქალაქებში სასწავლო პროცესი დისტანციურად განახლდება.
