ალექსანდრე ლუკაშენკო ბელარუსის პრეზიდენტის მოვალეობის შესრულებას შეუდგა. ამის შესახებ „რია ნოვოსტი“ წერს.

ცენტრალური საარჩევნო კომისიის ხელმძღვანელმა მას სახელმწიფოს მეთაურის მოწმობა გადასცა.

ცერემონია დამოუკიდებლობის სასახლეში მიმდინარეობს.

ცნობისთვის, ბელარუსის არჩევნები 9 აგვისტოს ჩატარდა, სადაც, ოფიციალური მონაცემებით, პრეზიდენტმა ლუკაშენკომ ამომრჩეველთა 80,1%-ის მხარდაჭერა მიიღო.

შედეგების გამოცხადებას ქვეყანაში მასობრივი საპროტესტო აქციები მოჰყვა.

ეს ლუკაშენკოსთვის პრეზიდენტობის უკვე მე-6 ვადაა

P.S. რუსულ მედიაში თავდაპირველად არასწორი ინფორმაცია გავრცელდა ლუკაშენკოს პოსტიდან გადადგომის შესახებ.