ბელარუსის მოქმედმა პრეზიდენტმა, ალექსანდრ ლუკაშენკომ საქართველოს პრეზიდენტს, სალომე ზურაბიშვილს შატილში მომხდარი ტრაგედიის გამო მიუსამძიმრა . ინფორმაციას სახელმწიფო სააგენტო BelTA ავრცელებს.
ლუკაშენკო აღნიშნავს, რომ ბელარუსში დიდი ტკივილით აღიქვეს ავტობუსის ვარდნის შედეგად ადამიანების ტრაგიკული სიკვდილი.
ლუკაშენკომ მისი და ბელარუსიელი ხალხის სახელით სამძიმარი გამოუცხადა დაღუპულთა ნათესავებსა და ახლობლებს. დაშავებულებს კი სწრაფად გამოჯანმრთელება უსურვა.
შეგახსენებთ, შატილის გზაზე მგზავრებით სავსე მიკროავტობუსი დაახლოებით 80 მეტრის სიმაღლიდან გადავარდა. შედეგად გარდაიცვალა 17, ხოლო მძიმედ დაშავდა 3 ადამიანი.
