ჭყონდიდში სალხინოს ღვთისმშობლის შობის მამათა მონასტერში მეუფე სტეფანეს მიერ დანიშნული იღუმენი მამა გრიგოლ დარსალია, სამღვდელოების უფლებაშეჩერებულმა მამაოებმა ტაძარში არც დღეს არ შეუშვეს.
იღუმენმა გრიგოლ დარსალიამ ტერიტორია მედიასთან გაკეთებული მცირე კომენტარის შემდგომ დატოვა.
„ჩვენ ვნახეთ, რომ მათ გუშინ ჩაატარეს ლოცვა, რომელიც ყოვლად მიუღებელია. ეს არის ურჩობა,როცა მღვდელმსახურს შეჩერებული აქვს მსახურება და ის მაინც ატარებს წირვას. ეს არ არის ქრისტიანული, მონაზვნური,ბერული ქმედება“- განაცხადა მან.
შეგახსენებთ, გუშინ სალხინოს მონასტრის გადაყენებული წინამძღვარი მამა დანიელი სხვა სასულიერო პირებთან ერთად მონასტერში იმყოფებოდა, როცა მამა გრიგოლმა დარსალიამ მას უთხრა, რომ დღეს წირვა სალხინოში უნდა ჩაეტარენინა.
სწორედ ამას მოჰყვა სიტყვიერი დაპირისპირება სასულიერო პირებს შორის და იღუმენ გრიგოლ დარსალიას წირვა სალხინოს მონასტერში არ ჩაატარებინეს.
ასევე, დაგაინტერესებთ: ვინ (არ) ტოვებს ჭყონდიდის ეპარქიას – ორად გაყოფილი სამღვდელოება საპატრიარქოდან „თეთრი კვამლის ამოსვლას“ ელოდება – (ყველა დეტალი)
ავტორი: თეა შონია
