საპარლამენტო უმრავლესობის ლიდერის მამუკა მდინარაძის თქმით, „ქართულ ოცნებაში“ საარჩევნო სიასზე ჯერჯერობით კონკრეტული გადაწყვეტილებები არ მიუღიათ.
მისივე თქმით, სიაში იქნებიან იქნებიან ძველი გამოცდილი კადრებიც და მაჟორიტარების კანდიდატებს სავარაუდოდ, ივლისის ბოლომდე დაასახელებენ.
„ჩვენ უფრო მეტი კონსულტაციები გვქონდა მაჟორიტარებთან დაკავშირებით იმიტომ, რომ მაჟორიტარობის კანდიდატების წარდგენას უფრო ადრე ვაპირებთ. ანუ საზოგადოებისათვის მათი ვინაობის გაცნობას უფრო ადრე ვაპირებთ, ვიდრე სიის ფორმირებაზე იქნება საუბარი იმიტომ, რომ ეს მიღებული პრაქტიკაა.
ზოგადად გვქონდა გარკვეული კონსულტაციები, მაგრამ არაფერი კონკრეტული ჯერჯერობით სიასთან დაკავშირებით არ გვქონია. უფრო კონკრეტული კონსულტაციები გვქონდა მაჟორიტარებთან დაკავშირებით, მაგრამ ჯერ ეს კონსულტაციებიც არ არის ბოლომდე მისული
სიაში იქნებიან ახალი სახეებიც და იქნებიან ძველი გამოცდილი კადრებიც და დარწმუნებული ვარ ეს იქნება სია, რომელიც ადეკვატური იქნება საზოგადოების განწყობის, რომელი განწყობაც „ქართული ოცნების“ სასარგებლოა დღეს“, – განაცხადა მდინარაძემ უმრავლესობის სხდომის დასრულების შემდეგ.
ცნობისთვის, „ქართული ოცნების“ ოფისში უმრავლესობის სხდომა გაიმართა, სადაც საარჩევნო კანონმდებლობაში შესატან ცვლილებები განიხილეს.
