აჭარის საზოგადოებრივი მაუწყებლის ეთერში, ვახო ხუზმიაშვილის საავტორო გადაცემა „თავისუფალ სივრცეში“ პარტია „კანონი და სამართალის“ ლიდერმა თაკო ჩარკვიანმა პოლიტიკურ პროცესებზე, პოლიტიკურ ღირებულებებზე, ყოფილ თანაპარტიელებზე, და საარჩევნო გეგმებზე ისაუბრა.

ჟურნალისტის კითხვას, რატომ ვერ მოიპოვა მხარდაჭერა, ლეიბორისტული პარტიის ოფისში შეკრებილი ოპოზიციისგან? იმიტომ ხომ არა რომ ნინო ბურჯანაძესთან დაპირისპირებულია?

წამყვანმა თაკო ჩარკვიანს, ანზორ ბიწაძის განცხადებაც შეახსენა: „არანაირი გარემოება არ არსებობს რის გამოც თაკო ჩარკვიანის კანდიდატურას დავუჭერ მხარს“.

თაკო ჩარკვიანი პასუხობს:

„მე მას ვეხუმრე და ანზორიკო ბიჭუნა დავარქვი. ამ ბავშვზე არ დავკარგავ დროს, რომ ვისაუბრო. მომხრეობა, რომ ვიგრძნო იმ განცხადების გამკეთებელი ხალხისაგან, რომელებსაც საქართველოში რუსეთის ჯარის შემოყავანა სურთ, დავფიქრდები იმ დღესვე,  რაიმე სამარცხვინო ხომ არ გავუკეთე ჩემს ქვეყანას.

როგორ უნდა დაეჭირათ მხარი, მე ხომ არ ვარ მათი გაერთიანების წევრი, მაგრამ ისინი ტყუილს და თაღლითობას მიჩვეულები არიან და ეს ტყუილიც ისროლეს.“- განაცხადა თაკო ჩარკვიანმა.