“ყველას დაგვანახვა, რომ სახელმწიფო არ გვაქვს, საზღვარი აღარ არსებობს “,- ამის შესახებ „კანონი და სამართლის“ ლიდერმა, თაკო ჩარკვიანმა, საქართველოს მესამე პრეზიდენტის, მიხეილ სააკაშვილის შესახებ განაცხადა.
„მინდა გამოვეხმაურო ძალიან ვაჟკაც პრეზიდენტს, რომელმაც ყველაფერი ხელისგულზე აჩვენა: თავისი სამშობლოს მიმართ დამოკიდებულება, სიყვარული, თავგანწირვა იყო ის, რაც ჩვენ გუშინ ვნახეთ. სააკაშვილმა არავინ არ შეაწუხა, ეს იყო საინტერესო, არ შექმნა უკრაინის ტიპის პრეცედენტი. ყველას დაგვანახვა, რომ სახელმწიფო არ გვაქვს, საზღვარი აღარ არსებობს ამ მმართველობის გამო. ის უნდა წარდგეს ჯანმრთელი, რეფორმირებული მართლმსაჯულების წინაშე. ახლა ჩვენ უნდა ვიმარჯვოთ“, – განაცხადა თაკო ჩარკვიანმა.
ცნობისთვის, გუშინ საქართველოს მესამე პრეზიდენტი, მიხეილ სააკაშვილი დააკავეს. მისი თანაპარტიელების მიერ გავრცელებული ინფორმაციით მანამ ვიდრე მას დააკავებდნენ სააკაშვილი ოთხი დღის განმავლობაში იყო ქვეყანაში.
