საქართველოს ყოფილი პრეზიდენტი მიხეილ სააკაშვილი ხელისუფლებას არჩევნების სამხრეთ კორეული მოდელით ჩატარებისკენ მოუწოდებს.
„ნაციონალური მოძრაობის“ პრემიერობის კანდიდატის განმარტებით, სამხრეთ კორეაში მოსახლეობას საარჩევნოდ პირბადეები, ხელთათმანები და სადეზინფექციო ხსნარები დაურიგეს, საარჩევნო უბნები კი მაღალჭერიან შენობებში და ღია სივრცეებში მოეწყო.
„არსებობს ასეთი გამოცდილების ქვეყანა, სამხრეთ კორეა, თუ როგორ ჩაატარა ძალიან წარმატებულად არჩევნები კოვიდის ყველაზე მაღალი მაჩვენებლის დროს. მათ დაარიგეს ყველგან ხელთათმანები, სადეზინფექციო ხსნარები, ნიღბები. ყველგან იცავდნენ სოციალურ დისტანციას. საარჩევნო უბნები სპეციალურად გადაიტანეს უფრო მაღალჭერიან შენობებში და ღია სივრცეებში, სადაც ეს შესაძლებელი იყო. კარგად შეისწავლეთ სამხრეთ კორეის გამოცდილება, თქვენთვის უკეთესია და მიეცით ჩვენს ხალხს საშუალება უსაფრთხოდ გამოხატონ ნება“, – განაცხადა სააკაშვილმა.
Posted by Mikheil Saakashvili on ორშაბათი, 19 ოქტომბერი, 2020
