ყოფილი პრეზიდენტი მიხეილ სააკაშვილი უარს ამბობს პროტესტის იმ ფორმაზე, რომლის მიხედვითაც, ის მკურნალობაზე უარს ამბობდა. ის 29 ნოემბერს ჩანიშნული სასამართლო პროცესისთვის ემზადება.
„მიხეილ სააკაშვილი დათანხმდა ჩვენს თხოვნას, ის არ შეწყვეტს მკურნალობას ორშაბათამდე, როგორც მინიმუმ, და ვნახავთ, რა იქნება ორშაბათს, შემდეგ კი, მას პროტესტის უფლებას ვერავინ ვერ წაართმევს”, – განაცხადა სააკაშვილის ადვოკატმა შოთა თუთბერიძემ გორის ჰოსპიტლის დატოვების შემდეგ.
