„ნაციონალური მოძრაობის“ თავმჯდომარე ნიკა მელია პარტიის განახლებისა და რეფორმების აუცილებლობაზე საუბრობს.
მისივე თქმით, პარტიის შიგნითაც და პარტიის გარეთაც არსებობენ ადამიანები, რომლებიც ჩაკარგულები არიან და იმსახურებენ წინა პლანზე წამოწევას.
„თუ ჩვენ ვერ განვახორციელეთ რეფორმები, შეიძლება ზოგიერთები გამინაწყენდნენ შიგნით, მე ეს პასუხიმგებლობა ავიღე მხოლოდ და მხოლოდ იმ ამოცანის შესასრულებლად, რასაც ვხედავ რომ არის გარდაუვალი,“ – ამბობს ნიკა მელია „პოსტ ფაქტუმში“.
მისივე თქმით, რომ არა მიხეილ სააკაშვილის ნება, არ იქნებოდა ელექტრონულ არჩევნები.
ეს ხომ ვერ მოხდებოდა მიხეილ სააკაშვილის ნების გარეშე. მინიმუმ არჩევნები არ ჩატარდებოდა ელექტრონულ ფორმატში. ადამიანი ხედავს იმაზე ფართოდ, ვიდრე ბევრი ხედავს ამ ქვეყანაში და არა მარტ ამ ქვეყანაში…
მე ვინც მიცნობს, რომც მოვინდომო მინიმალური თავმჯდომარე ვერ ვიქნები, ჩემი საქმიანობა ბუნებრივია იქნება მჭიდრო კავშირში მიხეილ სააკაშვილთან, მაგრამ მართვა პარტიის იქნება საქართველში” – აცხადებს ნიკა მელია
შეგახსენებთ, „ნაციონალურმა მოძრაობამ“ პარტიის თავმჯდომარედ ნიკა მელია ოფიციალურად დაამტკიცა.
