„მჯერა ზუგდიდელების მხარდაჭერის“ – ამის შესახებ განცხადება „ქართული ოცნების“ ზუგდიდის მაჟორიტარი დეპუტატობის კანდიდატმა ირაკლი ჩიქოვანმა გააკეთა.
მან მადლობა გადაუხადა გუნდს ნდობისთვის და აღნიშნა, რომ ზუგდიდის მაჟორიტარობისთვის ბრძოლა მისთვის პატივია.
„ძალიან დიდი მადლობა მინდა ვუთხრა ყველა იმ ადამიანს და გუნდის წევრს რომელმაც ნდობა გამომიცხადა და მომცა საშუალება ვიბრძოლო ზუგდიდელების ნდობის მოსაპოვებლად. ჩემთვის ეს არის უაღრესად დიდი პატივი და რა თქმა უნდა უდიდესი პასუხისმგებლობა, რომ ჩემი ქალაქის წინაშე წარვდგე მაჟორიტარი კანდიდატობის რანგში. აქვე მინდა გითხრათ რომ ეს არის ბრძოლა რომელსაც ჩვენ სამართლიანი, თანმიმდევრული და კონკრეტული საარჩევნო კამპანიის შემდეგ შეგვიძლია დავასრულოთ წარმატებულად. მჯერა ზუგდიდელების მხარდაჭერის და მჯერა რომ ზუგდიდში ნამდვილად არის ის მხარდაჭერა ქართული ოცნების მიმართ, რომლის შედეგადაც ჩვენს ქვეყანას კიდევ უფრო განვავითარებთ და გავხდით კიდევ უფრო დემოკრატიულს,“ – აღნიშნა ირაკლი ჩიქოვანმა.
ცოტახნის წინ ცნობილი გახდა, „ქართული ოცნების“ მაჟორიტარი დეპუტატობის კანდიდატთა ვინაობა.
