საპარლამენტო უმრავლესობის წევრი, დავით მათიკაშვილი სოციალურ ქსელში „ნაციონალური მოძრაობის“ მიერ ბათუმში ჩატარებულ ღონისძიებას გამოეხმაურა.
მათიკაშვილი ამბობს, რომ „ნაციონალურმა“ მოძრაობამ საკუთარი ამომრჩეველი ინფიცირებისთვის გაწირა.
„დღეს ბათუმის ბულვარში, ნაცმოძრაობამ და სააკაშვილმა კიდევ ერთხელ გააკეთეს ის, რაც ყველაზე კარგად გამოსდის დამნაშავე პარტიის დამნაშავე „ბელადს“: საფრთხე შეუქმნეს ადამიანებს, უგულებელყვეს ყველა რეკომენდაცია, შექმნეს კოვიდ 19-ის გავრცელების ნოყიერი ნიადაგი და, პირდაპირ რომ ვთქვათ, ინფიცირებისათვის გაწირეს თავისი ამომრჩეველი! ეს თვალსაჩინო ფაქტია და ვერანაირი პროპაგანდა ქართველი ამომრჩევლისადმი სააკაშვილის დანაშაულებრივ დამოკიდებულებას ვერ „გააპრავებს“, – წერს დავით მათიკაშვილი.
