ქალაქ ნიუ-იორკში მდებარე ბუნებათმცოდნეობის ეროვნული მუზეუმის წინ მდგარ თეოდორ რუზველტის ქანდაკებას დემონტაჟს გაუკეთებენ. ამის შესახებ ინფორმაცია ნიუ-იორკის მერის ბილ დე ბლაზიოს ადმინისტრაციამ გაავრცელა. ამის შესახებ CNN-ი იუწყება.
1940 წელს შექმნილი სკულპტურული კომპოზიცია ცხენზე მჯდარ რუზველტს გამოსახავს, რომლის გვერდითაც აშშ-ის აბორიგენი მოსახლეობის წარმოამდგენელი და აფრიკელი დგანან.
მუზეუმის პრეზიდენტის განმარტებით, ეს ქანდაკება თანამედროვე საზოგადოებაში რასიზმისა და კოლონიალიზმის სიმბოლოდ აღიქმება.
ქანდაკების დემონტაჟის გადაწყვეტილებას მხარი თეოდორ რუზველტის შვილთაშვილმაც დაუჭირა.
„ქანდაკების გადატანის და წინ წასვლის დროა“,- განაცხადა მან.
შეგახსენებთ, რომ პოლიციას ქმედებას შეწირული ჯორჯ ფლოიდის გარდაცვალების შემდეგ მსოფლიოს მრავალ კუთხეში საპროტესტო აქციების ფარგლებში იმ ისტორიული ფიგურების ძეგლები ჩამოაგდეს ან მოხსნეს, რომლებიც სხვადასხვა ფორმით რასიზმში არიან დადანაშაულებულები.
