ოკუპირებულ აფხაზეთში კორონავირუსზე 458 პირი შეამოწმეს. ვირუსი 106-ს დაუდასტურდა.
გუდაუთის საავადმყოფოში 137 პაციენტია მოთავსებული. 118 კორონავირუსის დიაგნოზით. მძიმეა 26 მოქალაქის ჯანმრთელობის მდგომარეობა, 40-ის საშუალო სიმძიმის. გაწერეს 15 პაციენტი.
მობილურ მრავალპროფილურ საავადმყოფოში, რომელიც პანსიონატ „აიტარის“ ტერიტორიაზე მდებარეობს, 51 ადამიანი მკურნალობს. მძიმეა 4 პაციენტის მდგომარეობა. გაწერეს – 7.
სულ აფხაზეთში კორონავირუსის 4058 შემთხვევაა გამოვლენილი. 2071 პირი გამოჯანმრთელდა, 36 კი გარდაიცვალა.
ავტორი: თეა შონია
