ოკუპირებულ აფხაზეთში რუს ტურისტს ეძებენ. ამის შესახებ ადგილობრივი მედია წერს.
არსებული ინფორმაციით, რუსი ტურისტები მდინარე გუმისთის ზედა ნაწილში, მთებში იმყოფებოდნენ.
უამინდობის გამო, მათ გზა აერიათ, ერთ-ერთმა ტურისტმა კი დამოუკიდებლად გადაადგილება ვეღარ შეძლო და ბანაკში დარჩა. სწორედ ამ უკანასკნელს ეძებენ ახლა მაშველები.
ტურისტული ჯგუფის 7 წევრიდან 6 უვნებლად იპოვეს.
