საბურთალოს ოლქში `ქართული ოცნების” მაჟორიტარობის კანდიდატმა, დავით სერგეენკომ არჩევნების მეორე ტურზე საკუთარი არჩევანი უკვე დააფიქსირა.
ხმის მიცემის შემდეგ სერგეენკომ ოპოზიის მიერ არჩევნების მეორე ტურისთვის გამოცხადებული ბოიკოტის შესახებ კომენტარი გააკეთა და განაცხადა, რომ საკუთარი გადაწყვეტილებით ოპოზიციამ მეორე ტურში გამარჯვების შანსი დაკარგა.
`თუ ისე იქნა, რომ ოპოზიცია არ იქნება პარლამენტში, ეს არ იქნება კარგი და ნორმალური ვითარება, დღეს ოპოზიციამ დაკარგა შანსი, რომ მაჟორიტარული არჩევნები მოეგო მეორე ტურში. თუმცა რჩება შესაძლებლობა პროპორციული სიებით და თუკი მოხდება ამ დღეების განმავლობაში ამ მოლაპარაკებებში წარმატების მიღწევა, ოპოზიციას კიდევ აქვს შანსი, რომ საპარლამენტო ცხოვრებაში მიიღოს მონაწილეობა”, – განაცხადა სერგეენკომ ჟურნალისტებთან ხმის მიცემის შემდეგ.
შეგახსენებთ, დღეს, 21 ნოემბერს 17 მაჟორიტარულ ოლქში საპარლამენტო არჩევნების მეორე ტური მიმდინარეობს.
დავით სერგეენკოს კონკურენტი საბურთალოს ოლქში პარტია `მოქალაქეების” ლიდერი, ალეკო ელისაშვილია, თუმცა მან მეორე ტურს ბოიკოტი გამოუცხადა. არჩევნებს ბოიკოტს უცხადებენ ოპოზიციის სხვა კანდიდატებიც.
