“მიუხედავად იმისა, რომ ის ახლა გლდანის ციხეში იმყოფება ძალიან მძიმე პირობებში, 41-ე დღეა, თუ არ მეშლება უკვე შიმშილობის. მიუხედავად ამისა, აქვთ პანიკური შიში”,  ასე აფასებს „ნაციონალური მოძრაობის“ ერთ-ერთი ლიდერი ზაალ უდუმაშვილი პენიტენციური სამსახურის განცხადებას, რომლის მიხედვითაც, მესამე პრეზიდენტის, მიხეილ სააკაშვილს სასამართლოში გადაყვანაზე უარი თქვა.

„ბუნებრივია, არც მქონდა მოლოდინი, რომ მიხეილ სააკაშვილს მოიყვანდნენ, იმიტომ, რომ მას არ გამოაჩენენ საზოგადოების წინაშე, საზოგადოებამ დაინახოს ან მისი ვიზუალი ან ხმა გაიგონო, მაგრამ ეს არაფერს ცვლის.

რაც მთავარია, მიხეილ სააკაშვილი საქართველოშია, ჩვენ ყველაფერს გავაკეთებთ იმისათვის, რომ ის სამოქალაქო კლინიკაში გადაიყვანონ და შემდგომ გათავისუფლდეს. ამ ბრძოლას ბოლომდე აუცილებლად მივიყვანთ.  დღეს, ყველამ ნახა რაც მოხდა, მართლაც გავეშებულები დაგვსდევდნენ აქციის მონაწილეებს, მაგრამ ეს კიდევ უფრო მეტ მოტივაციას აძლევს ჩვენს თითოეულ თანამოქალაქეს, რომ ხვალ ათჯერ მეტი მოქლაქე გამოვიდეს ქუჩაში“, – აცხადებს უდუმაშვილი.