საკონსტიტუციო ცვლილებების მხარდასაჭერად პარლამენტში ერთჯერადად შესვლის საკითხი დღის წესრიგიდან არ მოგვიხსნია. ამის შესახებ „რესპუბლიკური პარტიის“ ერთ-ერთმა ლიდერმა, დავით ბერძენიშვილმა „პალიტრანიუსის“ ეთერში განაცხადა.
„კარგი ინიციატივა იყო, ამას ბევრიც მიხვდა. მაგრამ ამასობაში წამოგვეწია დანიელსონის ჩამოსვლა. ამასთანავე ვამბობთ, რომ მეტი შეგვიძლია მივიღოთ, ვიდრე ის, რომ ერთჯერადად შევიდეთ და ოპოზიციონერებმა საკონსტიტუციო ცვლილებებს ხმა მისცენ. ეს წინადადება არის მაინც, თუმცა გვირჩევნია, რომ შეთანხმება შედგეს. ოღონდ არის ერთი პატარა დეტალი – ჩვენ ვამბობდით ბუნებრივ ბარიერს ან დაბალ ბარიერს და 3 % დაბალი ბარიერი არაა. დღეს რაც აქვთ ინიცირებული, ეს არაა პასუხი ჩვენს წინადადებაზე, არც დანიელსონის წინადადებაზეა პასუხი. დიდ საიდუმლოს არ გავამხელ, თუ ვიტყვი, რომ 3%-ზე არაა შეთანმხება, გაცილებით ნაკლებია“, – განაცხადა ბერძენიშვილმა.
