პარტიების დაფინანსების შესახებ კანონპრეოქტის მეორე მოსმენით კენჭისყრა დღეს შედგება. პროცესი გუშინ იგეგებოდა, თუმცა დროის დეფიციტის გამო გადაიდო.
უმრავლესობა საკუთარი დოკუმენტის დადებით მხარეებზე კიდევ ერთხელ ამახვილებს ყურადღებას და მის მიზნად მომავალში პოლიტიკური საბოტაჟის თავიდან აცილებას ასახელებს.
“ის სულისკვეთება, რომ თვითონ პარლამენტი და პარტია, რომელიც ამომრჩევლის მიერ იქნა პარლამენტში არჩეული, მას უნდა ჰქონდეს თავიდან ბოლომდე გათვითცნობიერებული და ეს საკანონმდებლო დონეზეც უნდა იყოს განმტკიცებული, რომ პარლამენტში არშესვლა, საბოტაჟი და ასეთი ფაქტები, პირდაპირ ეწინააღმდეგება კონსტიტუციით პარტიის, პარლამენტის და ჩვენი მოქალაქეების ნებას. ის შენიშვნები და ის რეკომენდაციები, რაც ვენეციის კომისიიდან იქნა მიღებული, რა თქმა უნდა, იქნება გათვალისწინებული,” – აცხადებს პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი.
