პედაგოგებს და ტაქსის მძღოლებს ტესტირების ხარჯებს მარტშიც სახელმწიფო დაფარავს. ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
მისი თქმით, სახელმწიფო დაფარავს იმ დასაქმებულების ტესტირების ხარჯებს, ვისზეც მეტი სოციალური დატვირთვაა.
„ტესტირებასთან დაკავშირებით გარკვეული პროცენტული მოთხოვნებია, დასაქმებულების რა ნაწილში უნდა ჩატარდეს ტესტირება თვეში, რომ ეპიდგარემო უსაფრთხო იყოს. ტესტირების ხარჯებს ამ ეტაპზე სახელმწიფო ფარავს. თებერვალში სრულად იყო სახელმწიფოს მიერ დაფარული, მარტშიც დაუფარავს სახელმწიფო ამ ხარჯებს რიგ სექტორს.
რა თქმა უნდა, პედაგოგების, ტაქსის მძღოლების და იმ ჯგუფების ტესტირება, რომლებსაც მეტი სოციალური დატვირთვა აქვთ, სახელწიფოს მიერ გაგრძელდება. რაც შეეხება ბიზნესის ვალდებულებებს, ამაზე დეტალებს დავაზუსტებთ, დამოკიდებული იქნება სამიზნე ჯგუფის რაოდენობასა და იმაზე, თუ რამდენად შეუძლია სახელმწიფო პროგრამას ფინანსურად რომ ეს დაფაროს“, – განაცხადა თამარ გაბუნიამ.
