„არ მომწონს ლანძღვა ბატონ გრიგოლ ვაშაძის, მაგრამ პოლიტიკას აქვს დრო“, – ასე ეხმაურება თაკო ჩარკვიანი, გრიგოლ ვაშაძის პარტიიდან წასვლას.
„მე ვგრძნობდი, რომ ბატონი გრიგოლი განერიდებოდა ამ სიტუაციას და ეს მის პირველივე განცხადებაში ჩანდა როდესაც საუბრობდა კომისიის შექმნაზე, მაგრამ ამ დროს თუ გადადგამდა ამ ნაბიჯს ნამდვილად ვერ გავთვალე, არ მეგონა. მგონია, რომ მისი ეს ნაბიჯი დროული არ იყო. ვფიქრობ, რომ ეს დიდი ხნის ჩანაფიქრი იყო, მე ასე ვგრძნობდი და ვხედავდი შორიდან. თქვენ გახსოვთ ალეკო ელისაშვილზე როდის ვამბობდი, რომ ის ცუღლუტობდა, მაგრამ გრიგოლი – არა“,- აცხადებს თაკო ჩარკვიანი.
გრიგოლ ვაშაძემ „ნაციონალური მოძრაობის“ დატოვების შესახებ ინფორმაცია რამდენიმე საათის წინ გაავრცელა და ამის მიზეზები განმარტა.
ვაშაძე გავრცელებულ განცხადებაში ამბობს, რომ არ შეუძლია იყოს იქ, სადაც ვერ ხედავს შეცდომებზე სწავლის სურვილს.
„ნაციონალური მოძრაობის“ ლიდერის გადაწყვეტილებას უკვე გამოეხმაურნენ პოლიტიკოსები და ექსპერტები.
