„რა თქმა უნდა, ასეთი პროტესტი მუდმივად იქნება, ეს არ არის ის პროტესტი, რომელიც რეალურად ჩვენ დაგვღლის”,- ამის შესახებ „ნაციონალური მოძრაობის“ წევრმა ხატია დეკანოიძემ ჟურნალისტებს ჯანდაცვის სამინისტროსთან მიმდინარე აქციაზე განუცხადა.
“გლდანის სასჯელაღსრულების დაწესებულების სამედიცინო კლინიკის იმ ფლიგელში, სადაც მიხეილ სააკაშვილი განათავსეს, საერთოდ არავითარი სამედიცინო აპარატურა არ არის. მისი თქმით, გაცილებით უფრო მეტ სამედიცინო დახმარებას იღებდა ის, რუსთავის სასჯელაღსრულების დაწესებულებაში ვიდრე გლდანში.
შესაბამისად, აუცილებელია მისი დაუყოვნებლივ გადაყვანა სამოქალაქო სამედიცინო ცენტრში. იმ შემთხვევაში, თუ გადაიყვანენ სამოქალაქო კლინიკაში, აპირებს შეწყვიტოს შიმშილობა. შესაბამისად, ჩვენი მთავარი მოთხოვნაა გადავარჩინოთ მიხეილ სააკაშვილის სიცოცხლე, ასევე ელენე ხოშტარიას სიცოცხლე“, – განაცხადა დეკანოიძემ.
