რუსეთი დაინტერესებულია, ალექსეი ნავალნისთან დაკავშირებული ინციდენტის ყველა გარემოების მიუკერძოებელი და სრულყოფილი გამოძიებით, – ამის შესახებ რუსეთის პრეზიდენტმა ვლადიმერ პუტინმა იტალიის პრემიერ-მინისტრ ჯუზეპე კონტისთან სატელეფონო საუბრისას განაცხადა. ინფორმაციას Tass-ი ავრცელებს.
შეგახსენებთ, რომ 20 აგვისტოს ქალაქ ტომსკიდან მოსკოვში თვითმფრინავით მგზავრობისას, ალექსეი ნავალნი ცუდად გახდა, რის გამოც თვითმფრინავი ავარიულად, ომსკში დაეშვა, სადაც ნავალნი მოწამვლის სიმპტომებით რეანიმაციაში მოათავსეს.
22 აგვისტოს ალექსეი ნავალნი სამკურნალოდ გერმანიაში გადაიყვანეს.
