კიდევ ერთი გამარჯვება და ქართული ფეხბურთის მორიგი წარმატება,- თბილისის მერი კახა კალაძე ქართველ ფეხბურთელებს ისტორიულ გამარჯვებას ულოცავს.

„თბილისის „ლოკომოტივმა” მოსკოვის „დინამო” 2:1 დაამარცხა და ევროპა ლიგის მომდევნო ეტაპზე გადავიდა.

ასევე, გამარჯვებით დასრულდა „დინამო თბილისის” შეხვედრა უელსის ჩემპიონ „ქონას ქი ნომედსთან“ და „დინამო თბილისი“ ევროპა ლიგაზე განაგრძობს ასპარეზობას. გილოცავთ!“,- წერს კახა კალაძე.

საქართველოს მოქმედმა ჩემპიონმა უელსური ნომედსი შეხვედრის ბოლო წუთზე 0:1 დაამარცხა და მომდევნო ეტაპზე თამაშის უფლება მოიპოვა.

ევროპა ლიგის საკვალიფიკაციო ეტაპის მეორე მატჩში თბილისის ლოკომოტივი მიხეილ მესხის სახელობის სტადიონის სათადარიგო მოედანზე მოსკოვის დინამოს შეხვდა და მინიმალური სხვაობით 2:1 დაამარცხა.