ევროპა ლიგის საკვალიფიკაციო ეტაპის მეორე მატჩში თბილისის ლოკომოტივი მიხეილ მესხის სახელობის სტადიონის სათადარიგო მოედანზე მოსკოვის დინამოს შეხვდა და მინიმალური სხვაობით 2:1 დაამარცხა.
პირველი ტაიმი ნულოვანი ფრით დასრულდა, მეორე ნახევრის 54-ე წუთზე კი ირაკლი სიხარულიძემ მოსკოველთა კარში პირველი გოლი გაიტანა.
76-ე წუთზე მამია გავაშელიშვილმა მეტოქის კარში მეორე გოლი გაიტანა და თბილისური კლუბის უპირატესობა ორ ბურთამდე გაზარდა. განსაკუთრებით დაძაბული შეხვედრის მიწურული გამოდგა.
დინამომ 90-ე წუთზე ლოკომოტივის კარში თერთმეტმეტრიანი დარტყმით ერთი ბურთი გაქვითა, დარჩენილ დროში კი რამდენიმე სახიფათო მომენტი შექმნა, თუმცა ანგარიშის გათანაბრება ვერ მოახერხა.
მომდევნო ეტაპზე ლოკომოტივის მეტოქე ესპანური გრანადა იქნება. მატჩი 24 სექტემბერს გაიმართება.
