„მან სიმართლეს გაუსწორა თვალი, იომა და როგორც მოსალოდნელი იყო, მარცხდებოდა. გაბედა და გაუბედავი ტერ-პეტროსიანისგან განსხვავებით, ადეკვატურად მოიქცა“,- ასე ეხმაურება „რესპუბლიკელი პარტიის“ ერთ-ერთი ლიდერი, დავით ბერძენიშვილი ნიკოლ ფაშინიანის გადაწყვეტილებას.
როგროც დავით ბერძენიშვილი ამბობს, ამხელა ყარაბაღული ტვირთისგან, მარწუხებისგან გაათავისუფლა მეტწილად სომხეთი.
„ბევრი წელი დასჭირდებათ სომხებს ამის გასაცნობიერებლად… ბევრია სომხებში წარსულზე ორიენტირებული ხალხი. მაგრამ, ახალგაზრდები იქაც უფრო დასავლელები არიან. რუსებმა კი გაიჩინეს კიდე ერთი სამხედრო კერა სამხრეთ კავკასიაში, მაგრამ რუსეთის მოსალოდნელი მინგრევის (ეს ათწლეული მეიმედება) პროცესში დაიჟანგება რუსული ტანკები სამივე ქვეყანაში. აგრესიული ხალხი ერევანში პარლამენტში შევარდა, ამჟამად “მხოლოდ” დაარბია, პრემიერი და პარლამენტის თავმჯდომარე არ დაუხოცავთ… ჯერჯერობით? ყველაზე მაგარი სომეხია ფაშინიანი. განწირული იყო ყარაბახით დაბმული სომხეთი…აღარც აქვს არსებითი მნიშვნელობა, შეინარჩუნებს თუ არა ნიკოლ ფაშინიანი ხელისუფლებას.
მან სიმართლეს გაუსწორა თვალი, იომა და როგორც მოსალოდნელი იყო, მარცხდებოდა. გაბედა და გაუბედავი ტერ-პეტროსიანისგან განსხვავებით, ადეკვატურად მოიქცა. სტეპანაკერტი, ლაჩინის დერეფანი სომხურ/ რუსული კონტროლით ჯერჯერობით შეინარჩუნა. ტერ-პეტროსიანმა ვერც ხელისუფლება შეინარჩუნა და ორ ათეულ წელზე მეტიც დააკარგინა სომხეთს. სიმართლე ესაა, ჩემი აზრით“,- ამბობს დავით ბერძენიშვილი.
ცნობისთვის, სომხეთის პრემიერ-მინისტრმა, ნიკოლ ფაშინიანმა გვიან ღამით განაცხადა, რომ რუსეთისა და აზერბაიჯანის პრეზიდენტებთან ხელი მოაწერა შეთანხმებას, რომელიც მთიან ყარაბაღში საომარი მოქმედებების შეწყვეტას ითვალისწინებს.
