რუსეთის პრეზიდენტის პრესმდივნის, დიმიტრი პესკოვის განცხადებით, რუსი სამხედროები სომხეთ-აზერბაიჯანს შორის მიმდინარე კონფლიქტს ყურადღებით ადევნებენ თვალს. ინფორმაციას Tass-ი ავრცელებს.
როგორც პესკოვმა აღნიშნა, მოსკოვი ყურადღებით აფიქსირებს ყველა განცხადებას, რომლებსაც მსოფლიოს სხვადასხვა ქვეყნის ლიდერები მთიან ყარაბაღთან დაკავშირებით აკეთებენ.
მისი თქმით, მოსკოვი აზერბაიჯანის პოლიტიკურ მხარდაჭერაზე თურქეთის განცხადებებს არ მიესალმება.
„უდავოდ, ასეთ განცხადებებს ჩვენ მხარს არ ვუჭერთ, ჩვენ არ ვეთანხმებით მათ. არ არის საჭირო ცეცხლზე ნავთის დასხმა“,- განაცხადა პესკოვმა.
შეგახსენებთ, მთიანი ყარაბაღის კონფლიქტის ზონაში ვითარება 27 სექტემბერს, გამთენიისას დაიძაბა.
