არავის აქვს უფლება, აუკრძალოს ქართველ კაცს, რომ თავის სამშობლოში ჩამოვიდეს, – ამის შესახებ „გაერთიანებული ოპოზიციის“ ერთ-ერთმა ლიდერმა, გუბაზ სანიკიძემ ვახო ხუზმიაშვილის გადაცემაში „თავისუფალი სივრცე“ განაცხადა.
„სააკაშვილი უნდა იყოს ხელისუფლებაში. მას წარმატების სერიოზული ბიოგრაფია აქვს, მაგრამ ეს უპირველეს ყოვლისა, ჯერ სააკაშვილმა უნდა გადაწყვიტოს და დანარჩენმა სუბიექტებმა, რომლებიც წესით, იმ კოალიციაში უნდა იყვნენ. სააკაშვილს აქვს სურვილი დაბრუნდეს საქართველოში. არავის აქვს უფლება, აუკრძალოს ქართველ კაცს, რომ თავის სამშობლოში ჩამოვიდეს,“ – აცხადებს გუბაზ სანიკიძე.
წამყვანის კითხვაზე კი, უფიქრია თუ არა, რომ მიხეილ სააკაშვილი უნდა იყოს საქართველოს პრემიერ-მინისტრი, პასუხობს, რომ ახლა, ექსპერიმენტების დრო არ არის.
„კი არ მიფიქრია, აპოლოგეტი ვარ ამ საქმის, პროპაგანდისტი ვარ, კარგი თუ ცუდი გაგებით. მიმაჩნია, რომ დღეს ექსპერიმენტების და სუსტი პრემიერობის დრო არ არის, “- ამბობს სანიკიძე.
ვიდეო ↓ სააკაშვილი უნდა იყოს ხელისუფლებაში – გუბაზ სანიკიძე
