სავაჭრო ცენტრების მუშაობა განახლდა და მინდა აღვნიშნო, რომ ჩვენდა საბედნიეროდ, არსებითი დარღვევები არ გამოვლენილა, – ამის შესახებ შრომის პირობების ინსპექტირების დეპარტამენტის უფროსმა ბექა ფერაძემ განცხადა.

„ბოლო 24 საათში ქვეყნის მასშტაბით სულ 31 მოლის მონიტორინგი განხორციელდა და 670 საცალო-საბითუმო სავაჭრო ობიექტის კონტროლი. ჯამში, 28 ნოემბრიდან 33 723 კომპანიაა შემოწმებული. მინდა თხოვნით მივმართო თითოეულ ობიექტს და მოქალაქეს, რომ ზედმიწევნით დავიცვათ წესები“,- აღნიშნა მან მთავრობის ადმინისტრაციაში გამართულ ბრიფინგზე.